លទ្ធផលបាល់ផ្សាយផ្ទាល់ អនឡាញ លទ្ធផលបាល់ផ្សាយផ្ទាល់កាលពីយប់មិញ

ក្រុម Juventus ​លេង​បាន​ត្រឹម​ស្មើ​ក្រុម K League All Stars ​៣ទល់​នឹង​៣ ​ក្នុង​ការ​ប្រកួត​មិត្តភាព​កន្លង​ទៅ​នេះ ដោយ​គ្មាន​វត្តមាន​របស់​កីឡាករ​សំខាន់ Cristiano Ronaldo ​ឡើយ​។ ចំពោះ​ហេតុផល​មិន​ដាក់​ខ្សែ​ប្រយុទ្ធ​ឆ្នើម​ខាង​លើ​នេះ លោក Sarri ​បាន​បញ្ជាក់​ថា Ronaldo ​មាន​បញ្ហា​សាច់​ដុំ​ភ្លៅ ដូច្នេះ​លោក​មិន​ហាន​ប្រថុយ​ដាក់​រូបគេ​ឱ្យ​ចូល​លេង​ឡើយ។ ការ​ឱ្យ​រូបគេ​សម្រាក​គឺ​ជា​ជម្រើស​ល្អ​បំផុត​ហើយ​សម្រាប់​កីឡាករ​ព័រទុយហ្គាល់ ​ក្នុង​ការ​ត្រៀម​ខ្លួន​បើក​រដូវ​កាល​ថ្មី។ ការ​មិន​ដាក់ Ronaldo ​លេង​នេះ​ដែរ ​បាន​ធ្វើ​ឱ្យ​អ្នក​គាំទ្រ​មិន​សប្បាយ​ចិត្ត​ឡើយ ដោយ​ពួកគេ​ចង់​ឃើញ​ខ្សែ​ប្រយុទ្ធ​រូប​នេះ​ចូល​លេង។ ដោយ​តម្លៃ​សំបុត្រ​សម្រាប់​ការ​ចូល​មើល​ប្រកួត​មិត្តភាព​នេះ​មាន​ដល់​២០០​ដុល្លារ​ឯ​ណោះ៕

អ្នកចាំទីជម្រើសជាតិU21អង់គ្លេស Dean Henderson បានចុះកិច្ចសន្យាថ្មី៣ឆ្នាំជាមួយ Manchester United អមដោយជម្រើសបន្លាយថែម១ឆ្នាំទៀតនៅឆ្នាំ២០២២។ កីឡាករវ័យ២២ឆ្នាំរូបនេះជាសមាជិក Man Utd តាំងពីអាយុ១៤ឆ្នាំមកម្ល៉េះ។ គេនិយាយថាការបន្តកិច្ចសន្យាថ្មីជាមួយក្លិបដ៏មហស្ចារ្យមួយនេះជាមោទនភាពសម្រាប់រូបគេនិងគ្រួសារ ហើយគេនឹងប្រឹងប្រែងបន្ថែមទៀតដើម្បីអភិវឌ្ឍខ្លួន។ Henderson បានចាយពេល៣រដូវកាលចុងក្រោយលេងឱ្យ Stockport City, Grimsby Town, Shrewsbury Town និង Sheffield United លើកិច្ចសន្យាខ្ចី។ ក្នុងរដូវកាល២០៨-១៩ គេបានលេងទាំង៤៦ប្រកួតក្នុងក្របខ័ណ្ឌ Championship សម្រាប់ Sheffield United ហើយបានដើរតួរសំខាន់ក្នុងការជួយក្លិបនេះវិលមក Premier League វិញក្រោយបាត់មុខ១២ឆ្នាំ។ ឥឡូវនេះ គេត្រលប់ទៅចូលរួម Sheffield United លើកិច្ចសន្យាខ្ចីជាថ្មី មានន័យថារដូវកាល២០១៩-២០ Henderson នឹងបានលេងពេញមុខពេញមាត់ក្នុងលីគកំពូលអង់គ្លេសជាលើកដំបូងក្នុងអាជីពរបស់គេ៕

Everton បានប្រាប់ទៅខ្សែប្រយុទ្ធរបស់ក្លឹប Crystal Palace កីឡាករ Wilfired Zaha ថា គេកំពុងតែត្រៀមកញ្ចប់លុយ ៦០លានផោនដើម្បីដោះដូរនឹងរូបគេ

ខ្សែ​បម្រើ ​James Rodriguez ​អាច​នឹង​បន្ដ​លេង​នៅ​ក្រុម Real Madrid ​ទៀត ​ក្រោយ​ពី​លោក Zidane ​ចង់​យក​រូបគេ​មក​ធ្វើ​ជា​កីឡាករ​បម្រុង​សម្រាប់​រដូវកាល​ថ្មី​ខាង​មុខ​នេះ។ កីឡាករ​កូឡុំប៊ី ​ត្រូវ​បាន​គេ​ដឹង​ថា​នឹង​ចាកចេញ​ពី​ក្រុម Real Madrid ​នា​រដូវ​ក្ដៅ​នេះ ហើយ ​ក្រោយ​ពី​មាន​ក្លឹប​២​ចង់​បាន​គឺ Atletico Madrid ​និង Napoli ។ ប៉ុន្តែ​ឆ្លង​កាត់​ការ​ប្រកួត​មិត្តភាព​ប៉ុន្មាន​ប្រកួត​មក​នេះ ​លោក Zidane ​បាន​ប្ដូរ​ចិត្ត ​ដោយ​មិន​ចង់​លក់ James ​ចេញ​ទេ ​ពោល​គឺ​លោក​ចង់​ទុក​រូបគេ​ដើម្បី​មក​ជួយ​ក្រុម​វិញ។ James ​ជា​កីឡាករ​ឆ្នើម​ម្នាក់ ​ដែល​បាន​បង្ហាញ​សមត្ថភាព​ខ្ពស់​មែនទែន​កាល​ពី World Cup 2014 ​ហើយ​ក្រោយ​មក Real Madrid ​ក៏​ទិញ​យក​រូបគេ​តែ​ម្ដង។ ​យ៉ាងណាមិញ ​នៅ​អេស្ប៉ាញ ​កីឡាករ​រូប​នេះ​មិន​សម​ប្រកប​ឡើយ ​ដោយ​ត្រូវ​ក្លឹប Bayern Munich ​ខ្ចី​ជើង ​ហើយ​បច្ចុប្បន្ន​ក៏​ត្រូវ​គេ​ដាក់​លក់​ចេញ​ថែម​ទៀត៕

Barcelona ត្រូវការកន្លែងទំនេរនៅតំបន់បម្រើសំរាប់រដូវកាលថ្មីនេះ ហើយ Ivan Rakitic និង Arturo Vidal សុទ្ធតែពិបាកក្នុងការរក្សាតំណែងរបស់ខ្លួន សំរាប់ជម្រើសដំបូងរបស់ក្រុម ហើយប្រឈមនឹងចាកចេញ។ ទោះបីជាក្លឹបកាតាឡាន់ទើបតែបានចុះហត្ថលេខាទិញយក ខ្សែបម្រើ Frenkie de Jong តែម្នាក់នៅក្នុងរដូវក្ដៅនេះក្ដី ប៉ុន្ដែបច្ចុប្បន្នកីឡាករនៅតំបន់បម្រើមានរហូតដល់​ ៩រូប។ ថ្វិដ្បិតតែគ្រូបង្វឹក Ernesto Valverde យល់ច្បាស់ពីសមត្ថភាពរបស់កីឡាករទាំងពីររូបនេះក៏ពិតមែន ប៉ុន្ដែគាត់យល់ច្បាស់ថា យ៉ាងហោចណាស់ក៏មានម្នាក់ក្នុងចំណោមពួកគេ ដែលអាចនឹងចាកចេញ មុនពេលរដូវកាលថ្មីចាប់ផ្ដើម ដើម្បីបានលុយបន្ថែមផ្សែផ្សំទិញ Neymar។ បច្ចុប្បន្ន Vidal កំពុងស្ថិតនៅក្នុងជម្រើសដែលគ្រូបង្វឹក Antonio Conte របស់ Inter Milan ចង់បាន បើសិនជាក្លឹបលក់ខ្សែបម្រើ Radja Nainggolan ចេញ ខណៈដែល Rakitic គ្មានបំណងចង់ចាកចេញពីទឹកដី Camp Nou ឡើយ៕

នៅល្ងាចថ្ងៃទី២៦ ខែកក្កដានេះ ក្លឹបព្រះខ័នរាជស្វាយរៀង បានប្រកាសដំណឹងគួរឲ្យចាប់អារម្មណ៍មួយ ជុំវិញការបន្ដកុងត្រាថ្មីរយៈពេល ២ឆ្នាំ ដល់គ្រូបង្វឹកលោក Conor Nestor ដែលកំពុងកាន់កំណត់ត្រាដឹកនាំក្រុមមិនទាន់ស្គាល់ពាក្យចាញ់ ក្នុងក្របខណ្ឌលីគកំពូលកម្ពុជា ឆ្នាំ២០១៩ ។ ក្លឹបកំពុងឈរកំពូលតារាងលីគកំពូលកម្ពុជា សប្ដាហ៍ទី១៦ បានបង្ហោះលើបណ្ដាញសង្គមខ្លួនថា៖ «ពួកយើងពិតជាមានក្តីសប្បាយរីករាយខ្លាំងមែនទែន នៅក្នុងការជម្រាបជូនជាផ្លូវការថា ក្លឹបបាល់ទាត់ព្រះខ័នរាជស្វាយរៀងរបស់យើងបានសម្រេចបន្តកុងត្រាថ្មីជាមួយគ្រូបង្វឹក Conor Nestor ដែលពួកយើងពិតជាចង់ឃើញលោកនៅបន្តដឹកនាំក្រុមក្នុងរយៈពេលពីរឆ្នាំបន្ថែមទៀត» ។ ប្រភពដដែលបានបញ្ជាក់ថា៖ «ចំពោះអ្នកទាំងអស់គ្នា ដែលនៅក្នុងក្រុមព្រះខ័នរាជភ្នំពេញស្វាយរៀង ពិតជាមានក្តីរំភើបរីករាយខ្លាំងណាស់ នៅក្នុងការបន្តដំណើររបស់ពួកយើងជាមួយនឹងលោកគ្រូ Conor ហើយពួកយើងសូមជូនពរឲ្យលោកកាន់តែធ្វើបានល្អប្រសើរបន្ថែមទៀត»។  គួរដឹងថា លោក Conor Nestor បានដឹកនាំក្រុមមានមូលដ្ឋាននៅខេត្តស្វាយរៀងនេះ តាំងពីឆ្នាំ២០១៨ តែរដូវកាលដំបូង លោកដឹកនាំក្រុមមិនសូវគាត់ប្រសើរឡើយ ដោយទទួលបានត្រឹមលេខ៦ ។ តែអ្វីដែលគួរឲ្យភ្ញាក់ផ្អើល គឺក្នុងរដូវកាលឆ្នាំ២០១៩ លោកកំពុងដឹកនាំក្រុមព្រះខ័នរាជស្វាយរៀង ឈរកំពូលតារាង និងមាន ៤២ពិន្ទុ ជាមួយកំណត់ត្រាមិនស្គាល់ចាញ់ម្ដងឡើយ ក្រោយឆ្លងកាត់ ១៦ប្រកួតឈ្នះ១៣ និងស្មើ៣ ។ ប៉ុន្ដែភារកិច្ចដ៏សំខាន់ បន្ទាប់ពីត្រូវក្រុមព្រះខ័នរាជស្វាយរៀង ផ្ដល់សេចក្ដីទុកចិត្ត បន្ដកិច្ចសន្យារយៈពេល ២ឆ្នាំថែមទៀត លោក Conor Nestor