Neymar ប្រកួតជាមួយ Bordeaux យប់មិញមានបញ្ហារបួសក្រលៀន

ការប្រកួតក្នុងលីគកំពូលរបស់បារាំង Ligue 1 កាលពីយប់មិញក្លឹបយក្សបារាំង Paris Saint-Germain បានត្រឹមស្មើ Bordeaux ដោយបាត់បង់កំណត់ត្រាឈ្នះ 100% ខណៈខ្សែប្រយុទ្ធ Neymar បានរង់របួសក្រលៀនទៀត។

ពិតណាស់ ខ្សែប្រយុទ្ធ​សញ្ជាតិប្រេស៊ីល​រូបនេះ ​ត្រូវ​បាន​ប្ដូរ​ជំនួស​ដោយ​កីឡាករ Eric Choupo-Moting  នៅ​នាទី57 គាត់បានដើរត្រង់ទៅបន្ទប់ក្រោមដីដោយលោកមានបញ្ហាក្រលៀន។ លទ្ធផល​ស្មើ​គ្នា 2-2​​ ជាមួយ Bordeaux នេះ បាន​ធ្វើ​ឱ្យ Paris Saint-Germain បាត់បង់​កំណត់ត្រា​ឈ្នះ​100% ដោយ 15ប្រកួតឈ្នះ14ស្មើរ1ប្រកួត។

ការរងរបួសរបស់គាត់យប់មិញនេះ ហាក់ដូចជាមិនធ្ងន់ធ្ងរទេប៉ុន្តែគ្រូបង្វឹកគាត់លោក Thomas Tuchel មានការព្រួយបារម្ភអំពីកីឡាកររបស់គាត់ដែល ព្រោះគាត់ជាកីឡាករសំខាន់ម្នាក់របស់លោកនៅក្នុងក្រុម៕

ប្រភព៖ Goal